ភ្នំពេញ៖ អង្គសន្និបាតគណកម្មាធិការកណ្ដាលគណបក្សប្រជាជនកម្ពុជាបានសម្រេចបោះឆ្នោតតែងតាំងសមាជិកចំនួន ២៣រូបជាសមាជិកគណៈអចិន្ត្រៃយ៍នៃគណៈកម្មាធិការកណ្ដាល ដែលធ្វើឲ្យសមាជិកអចិន្ត្រៃយ៍កើនដល់៥៨នាក់។
ការបោះឆ្នោតនេះគឺធ្វើឡើងក្នុងពេលដែលគណបក្សប្រជាជនបើកសន្និបាតគណៈកម្មាធិការកណ្ដាលលើកទី៤៤ នៅថ្ងៃអាទិត្យ ទី១០ ខែធ្នូ ឆ្នាំ២០២៣នេះ នៅវិមាន៧មករា ក្នុងខណ្ឌចំការមន រាជធានីភ្នំពេញ។
សមាជិកគណៈអចិន្ត្រៃយ៍នៃគណៈកម្មាធិការកណ្ដាលទាំង២៣រូប ដែលត្រូវបានបោះឆ្នោតជ្រើសតាំងបន្ថែមរួមមានលោក វង សូត លោក ស៊ុន ចាន់ថុល លោក ហង់ជួន ណារ៉ុន លោក សាយ សំអាល់ លោក ស សុខា លោក ទៀ សីហា លោក កើត រិទ្ធ លោក សុខ ចិន្តាសោភា លោក វង្សី វិស្សុត លោក ឱម យិនទៀង លោក ជីវ កេង លោក អ៊ុច បូរិទ្ធ លោក អូស្មាន ហាស្សាន់ លោក ហ៊ីង ប៊ុនហៀង លោក ម៉ៅ សុផាន់ លោក ទៀ វិញ លោក សឹង សំណាង លោក ស ថេត លោក លី យ៉ុងផាត់ លោកស្រី ជា សិរី លោក សោម សឿន លោក ហ៊ុន ម៉ានី និងលោក ប៉េង ពោធិ៍នា៕
